مين فيكوا يا جماعة شاف الموت بعينة اقولكم انا شفت المت بعينى الموضوع بدء لما قررت انا وخالتى اللى بتكبرنى بسنين قليلة اننا نروح البحر لانى من اسكندرية وفعلا بدءنا نحضر للرحلة الممتعة اللى احنا بننتظرها وفعلا عملنا كل شئ علشان تكون الرحلة ممتعة قمنا حوالى الساعة السادسة صباحا تعرفوا اننا لما قمنا مفيش حد فينا افتكر انة يصلى الفجر ودى مكنتش الغلطة الوحيدة طبعا بحر وانتوا عارفين لبس البحر مفيش داعى احكيلكوا المهم لبسنا ورحنا وطبعا فى مخلية كل حد مننا ان احنا هنستمتع وهتبقى الدنيا وردى وفهلا روحنا وفطرنا واخنا فى غاية الانبساط وبعد كة نزلنا البحر وبدءنا كل حد فينا يبين لتانى مهارتة فى العوم المهم انا وخالتى قررنا نتسابق ونشوف ميين اللى هيفوز وفعلا بدءنا لكن اللى حصل مكنش متوقع بعد ما نزلنا تحت المية وبدءنا نعوم ولما نفسى خلص وطلعت علشان اخد هوا واشوف خالتى وصلت لفيين لقيت نفسى مش عارفة اقف ومش لقية اصلا رملة اقف عليها كل اللى انا سمعاه صوت خالتى بتستغيث ويتصوت بصوت عالى علشان حد يلحقنا تعرفوا انا حتى مقدرتش ومعرفتش حتى استغيث كل اللى انا كنت بفكر فية هو انا خلاص هموت ومش هشوف اهلى تانى هو انا هقابل ربنا بحالى كدة طيب هقول لة اية وبدء شريط حياتى يمر قدام عينى هى دى النهايةخلاص هموت كدة على المعصية ياااة راحت دنيتى كدة فى دقيقة وراحت كمان اخرتى تعرفوا رغم انى كنت بقاوم علشان اطلع لفوق علشان اعرف اتنفس لكن كان احساسى ان دى خلاص النهاية وعمالة اسمع صوت ناس بتصوت وتعيط وتصرخ الحقوا غريقة الحقوا غريقة وبعد مدة من الصراع وفقد الامل وفعلا مبقتش حاسة بالدنيا لقيت نفسى ناس شيلانى وحطونى على الارض وبيفقوا فية وبيضغطوا على بطنى علشان المية تطلع منى وافوق وكذلك بالنسبة لخالتى اول مافقنالبسنا هدومنا من غير ما واحدة فينا تكلم التانية وروحنا البيت واول حاجة عملتها كل واحدة فينا انها صلت صلاة شكر لله وبعدها ركعتين توبة من كل اللى عملناه طبعا دلوقتى بس افتكرنا ربنا وعرفناة وكان لازم نعرفة انتوا متخيلين الفرصة اللى هو وهبها لينا علشان نرجع له قد اية يارب انت عظيم وحليم بعبادك يااة بعد كل اللى عملناه ولسة بتدينا فرصة للتوبة لو انتوا مكانى هتعملوا اية وياترى انتوا بعد الشر يعنى مستنين لحد ميحصلكوا حاجة تعرفوا انا مش هكدب عليكوا الحكاية دى حصلت معايا من كام سنة وكانت السبب فى لبسى الحجاب الشرعى انا وخالتى وبدعى ان احنا بعدها بدءنا نلتزم ما تيجوا ياجماعة نبتدى نتوب ومنستناش لما حاجة تيجى تفوقنا ربنا لسه بيمهلنا ما تيجوا نغتنم الفرصة قبل ما يجى يوم نقول فية ربى ارجعون لعلى اعمل صالحا فيما تركت تعرفوا انا اية اللى خلانى بعد السنين دى اكتب التجربة دى انى دلوقت كنت على اليوتيوب وشفت فيديوا والله يوجع القلب راجل مات وهو بيصلى فى مسجد يا بختة صى ياترى بقى احنا هنموت ازاى يارب يكتب لنا حسن الخاتمة ولا يقبضنا الا ونحن على طاعة وهو راضى عنا تعالوا نتعاهد دلقت كل واحدة عندها استطاعة انها تقوم تصلى ركعتين لله انة يتوب عليها تقوم حتى وان كانت ذنوبها صغيرة لان الرسول الكريم وهو خير الانام كان يستغفر الله وهو المعصوم واللى مش هتقدر تقول معى دعاء سيد الاستغفاراللهم انت ربى لا الة الا انت خلقتنى وانا امتك وانا على عهدك ووعدك ما استطعت اعوذ بك من شر ما صنعت ابوء لك بنعمتك على وابوء بذنبى فأغفرلى انة لا يغفر الذنوب الا انت سامحونى انى طولت عليكم والله ما كان قصدى وكمان مكنش قصدى انى انكد عليكوا لا والله بس لما لقيت نفسى بكيت بسبب الفيديوا دى قلت اعمل زى ربنا ما قال فذكر فان الذكرى تنفع المؤمنين وياارب تسمحونى
