السلام عليكم ورحمة الله وبركاته
احلي عضوات في احلي منتدي يارب الجميع يكون بخير
عملت البانكيك اكتر من مرة ولكن ما كان بيعجبني لم يكن هش كما اشوف
الي ان اكتشفت السر في احد الوصفات الاجنبية عالنت وجربتها وكانت ممتازة قلت لازم اضيفه للمنتدي لان الوصفة مش هاتكمل ولا تحلي من غير رايكن
انا عملته اكثر من مرة لان اولادي بيحبوا يفطروا به الصبح
خلينا بقي في المقادير:
بيضة \كوب لبن رائب وطبعا يمكن استبداله بالحليب\3م ك سكر \ 2م ك زبدة سايحة\ فانيللا
كوب دقيق \ذرةملح \نصف م ص بيكنج بودر و مثلها بيكنج صودا
الطريقة:
يخفق اللبن والبيضة والسكر والزبدة بمضرب سلك جيدا
تخلط المقادير الجافة وتضاف بالتدريج وتقلب ببطء بملعقة خشب مع مراعاة عدم زيادة التقليب وهو ده سر انتفاخه وهشاشته يعني لو لاحظنا ان في حبيبات دقيق غير ذائبة مش مشكلة نترك الخليط ربع ساعة انا ساعات باجهزه من الليل واتركه في الثلاجة حتي الصباح
هذه الكمية عملت 12 قرص
في طاسة تيفال علي نار متوسطة وهادئة نضع مقدار كبشة صغيرة ننتظر دقيقتين
الي ان تظهر الفقاقيع ثم تقلب ويمكن وضع الفواكه موز او بلو بيري او زبيب او حبيبات شيكولاتة نضعها علي القرص قبل ان نقلبه
ويقدم مع العسل او المربي او شراب البانكيك
واترككن مع الصور
صورة الخليط
ح
وهنا عملته بالحليب وحشيته بلوبيري
وبالهنا منقوووول
